Qayerga ekan? Rossiyada
transport va joylashish
Mazkur maqolada Rossiyada transportdan foydalanish va joylashib olishning barcha jihatlarini batafsil koʻrib chiqamiz. Bu masalalarda sizga yordam beradigan amaliy maslahatlar, tavsiyalar, eslatmalar va eng yaxshi manbalarga havolalarni oling. Talabamisiz, chet ellikmisiz yoki taklif qilingan mutaxassis boʻlasizmi, kimligingizdan qatʼi nazar ushbu keng qamrovli maqola siz uchun Rossiyadagi transport infratuzilmasi va koʻchmas mulk boʻyicha tengsiz qoʻllanma vazifasini bajaradi!
Sahifada kezish:
Shaharda moʻljal olish
Rossiya xaritasidagi har bir nuqta – oʻxshashi yoʻq makon. Mamlakat geografiyasi: iqlim va landshaft haqida hammasini asta-sekin bilib olasiz: infratuzilmani (ko‘chalar, maydonlar, uylar, binolar, taʼlim, tibbiyot muassasalari, sport obyektlari, yodgorliklar) oʻrganasiz, muhitga moslashasiz va aholi bilan muammosiz uchrashishingiz va muloqot qilishingiz mumkin.
Kerakli joyga qanday boriladi
Rossiyaga xush kelibsiz! Bir uchidan ikkinchi uchigacha hamma ham bora olmaydigan ulkan mamlakat! Shaharni piyoza kezish esa, diqqatga sazovor joylarni tomosha qilib, zavq olsa boʻladigan ish va bu sogʻliq uchun foyda.
Geolokatsiya xizmatlar biroz farq qiladi, ammo afzalligi shundaki, ularda yangi joyda qulay va samarali kezishga yordam beradigan turli funksiyalar taqdim etiladi. Afzal tomonlari oʻz-oʻzidan maʼlum:
-
1
Real vaqt rejimida aniq koʻrsatmalar va navigatsiya. Xizmatlar marshrutlar haqida batafsil maʼlumot beradi va transport turini tavsiya qiladi. GPS kuzatuv funksiyasi tufayli ilovalar ovozli eslatmalar sizni maʼlum joylar boʻylab yoʻnaltiradi. Hattoki notoʻgʻri yoʻnalishga burilsangiz yoki adashib qolsangiz ham koʻrsatmalar tezda toʻgʻrilanadi.
-
2
Joylar va tashkilotlarni qidirish. Xizmatlar har qanday tashkilot, aloqa maʼlumotlari va ularning ish jadvali haqidagi maʼlumotlarni koʻrsatadi. Masalan, “Поиск поблизости” (Yaqin-atrofdan qidirish) funksiyasi ayni paytda joylashgan joyingizning bevosita yaqinida joylashgan muassasa yoki diqqatga sazovor joylarni topish imkonini beradi. Bu tasodifiy sayrlar va atrof bilan tanishish uchun juda mos.
-
3
Sharhlar va reytinglar. Sharhlar bilan tanishishga vaqt ajrating. Xizmatlardan foydalanuvchilarning fikrlari boriladigan yoki taomlanadigan joyni aniqlashda yordam beradi.
-
4
Oflayn xaritalar. Ilovalar xaritalardan oflayn rejimda foydalanish uchun ularni yuklab olish imkonini beradi, bu ayniqsa internetga kirish cheklangan yoki aloqa signali kuchsiz hududlarda qulay.
-
5
Tillarning koʻpligi. Ilovada til tanlash imkoniyati til muammosini bartaraf etadi.
Umumiy navigatsiya xizmatlaridan tashqari, turli shaharlarda sayyohlar uchun maxsus ilovalar mavjud. Moskvadagi diqqatga sazovor joylar haqida ma’lumot olish yoki Sankt-Peterburgdagi ko‘priklar ochilishiga tashrif buyurishni “Uznay Moskvu” (Узнай Москву) va “Mosti Peterburga” (Мосты Петербурга) kabi ilovalar orqali rejalashtirish mumkin.
Moslashishda diasporalarning roli
Yashash joyini o‘zgartirishda, turizm maqsadlarida bo‘lgani kabi, sotsiumda va mahalliy joyda oʻzingiz turgan joyni aniqlay olishingiz zarur.
Koʻpchilik gid xizmatlaridan foydalanadi, ekskursiyaga boradi yoki internetda diqqatga sazovor joylarni qidiradi. Agar sizni, birinchi navbatda, ish qidirish muassasalari, uy-joy, davlat idoralari va maishiy xizmat ko‘rsatish obyektlari qiziqtirsa, diaspora vakillari yordam beradi – bu migrantlar o‘z mamlakatlari odamlari bilan uchrashadigan, tajriba almashadigan va bir-birlarini ruhan qo‘llab-quvvatlaydigan jamoalardir.
Diasporalar koʻpincha til oʻrganish, kasbiy tayyorgarlik kurslari kabi amaliy tadbirlarni tashkillashtirishadi va ish qidirishda yordam berishadi. Shuningdek, ular yordamga muhtoj migrantlarga vaqtinchalik boshpana, oziq-ovqat va kiyim-kechak taqdim etishi mumkin. Madaniy yaqinlik va vatanga bog‘liqlikni his qilasiz. Diasporalar tufayli, jumladan, ko‘p millatli Rossiya jamiyatining madaniy o‘ziga xosligi saqlanib qolmoqda. Diasporalar mahalliy hokimiyat organlari va boshqa tashkilotlar oldida migrantlar manfaatlarini ifodalashi mumkin. Ular migrantlarning huquqlarini himoya qiladi.
Rossiyaga kelishdan oldin elchixonada, internetda yoki oldin koʻchib kelgan tanishlaringizdan ma’lum bir shaharda Hamdo‘stlik markazi yoki hamjamiyat joylashgan mamlakatingizdan kelganlar jamoasini aniqlang. Ularning nomlari turlicha, masalan, “Kirgizi v Moskve” (Кыргызы в Москве), “Tadjiki Rossii” (Таджики России), “Uzbeki v Sankt-Peterburge” (Узбеки в Санкт-Петербурге), “Uzbekskiye diaspori va RF” (Узбекские диаспоры в РФ).
Baʼzi shaharlarda aloqa maʼlumotlari koʻrsatilgan diasporalar kataloglari ishlab chiqilgan, masalan, Tomsk viloyatida diasporalar katalogi bor.
Rossiyaliklar qanday jamoat transportidan foydalanadi
Mamlakatda uzoq vaqt yashasangiz, transportda harakatlanishingiz kerak boʻladi. Oʻzingizning mashinangiz boʻlmasa ham, tashvishlanmang, chunki Rossiyada jamoat transportining koʻp turlari mavjud. Yoʻl haqi arzon, harakatlanish jadvali muntazam.
Yer usti transporti – bu avtobuslar, trolleybuslar, tramvaylar, yo‘nalishli avtobuslar yoki taksilardir. O‘rtacha kattalikdagi shaharlarda avtobuslar (qatnov, yo‘nalishli), trolleybuslar, tramvaylar, kichik shahar va posyolkalarda ko‘pincha faqat avtobuslar qatnaydi. Ularning harakatlanish intervali – 10-30 daqiqa. Bu jadvalda koʻrsatilishi mumkin. Avtobuslar, trolleybuslar va tramvaylarga yoʻlovchilar bekatlardan chiqib tushishadi. Yoʻnalish raqami (baʼzan oxirgi nuqtalar va asosiy toʻxtash joylari) tablichkada koʻrsatiladi.
Yo‘nalishli taksi
Mikroavtobusda oʻtish tizimi noodatiy koʻrinishi mumkin. Bu maʼlum bir yoʻnalishda harakatlanadigan avtobus yoki mikroavtobus. Unga jamoat transporti bekatida ham chiqsangiz boʻladi. Baʼzi shaharlarda taksi toʻxtatgandek avtobusga chiqish uchun qoʻlni koʻtarish kerak. Imo-ishora shunday: yon tomonga qoʻlni choʻzib, uni yerga parallel koʻtarib turasiz.
Rossiya metrosi
Qiziqarli fakt
Sankt-Peterburgdagi “Admiralteyskaya” (Адмиралтейская) bekati va Moskvadagi “Park Pobedi” (Парк Победы) metrosi eng chuqur metro bekatlari orasida dunyoda 3- va 4-oʻrinlarni egallaydi.
Rossiyada metro bekatlarining bezalish estetikasi alohida eʼtiborga molik. Ularning aksariyati oʻz davrining meʼmoriy durdonalaridir.
-
1
Stalincha neoklassisizm. Urushdan keyingi tiklanish davrida (1945-1953) Sovet Ittifoqi stalinizm davriga kirdi, bu Moskva metropoliteni arxitekturasida oʻz aksini topdi. Ushbu uslubdagi bekatlar baland shiftlari, marmar devorlari, bronza qandillari va haykallari bilan ulugʻvor. Masalan, bularga quyidagi metro bekatlari misol boʻladi: “Komsomolskaya” (Комсомольская), “Mayakovskaya” (Маяковская) va “Ploshad Revolyutsii” (Площадь Революции).
-
2
Ar-deko va konstruktivizm. 1930-1940-yillarda Moskva metrosi art-deko va konstruktivizm tamoyillarini oʻzida mujassam etgan. Bu yerda geometrik naqshlar, boʻrtma panellar, shisha devorlar, yorqin ranglarni koʻrishingiz mumkin. Ar-deko va konstruktivizm uslubidagi metro bekatlariga misollar – “Novoslobodskaya” (Новослободская), “Mayakovskaya” (Маяковская) va “Arbatskaya” (Арбатская).
-
3
Zamonaviy arxitektura. Soʻnggi oʻn yilliklarda Rossiyada yangi metro bekatlari zamonaviy dizayn va texnologiyalarni aks ettiradi. Bu uslubda shisha, metall va yorugʻlik oʻyinlaridan foydalanilgan. Moskvadagi zamonaviy metro bekatlariga misollar: “Delovoy Sentr” (Деловой Центр), “Troparyovo” (Тропарёво) va “Salaryevo” (Саларьево).
-
4
Neoklassika va retro. Baʼzi metro bekatlari klassik uslublarda qoldirilib, ularda neoklassika va retro-dizayn mujassamlashtirilgan. Ushbu bekatlar nafis va hashamatli koʻrinish beradigan mozaikalar, freskalar, ravoqlar va ustunlar bilan bezatilgan. Masalan, bularga quyidagi metro bekatlari misol boʻladi: “Kurskaya” (Курская), “Smolenskaya” (Смоленская) va “Arbatskaya” (Арбатская).
Rossiya metrosining har bir uslubi nafaqat o‘z davrining me’moriy merosini, balki go‘zallik va betakrorlikni aks ettiradi, bu esa Rossiyada metrodagi safarlarni gʻaroyib mamlakatimiz tarixi va madaniyati bo‘ylab ajoyib sayohatga aylantiradi.
Yoʻl haqi va toʻlov
Rossiyada yoʻl haqini subyektlarning hokimiyat organlari belgilaydi. Turli xil transport turlarida yoʻl haqi har xil va kunning vaqtiga qarab farq qilishi mumkin.
Masalan, Tomsk shahrida avtobusda bir martalik chipta 32 rubl turadi, tramvay va trolleybusda esa – 30 rubl (2026-yil yanvar).
Yoʻl haqi qanday toʻlanadi?
Yoʻl haqini transport vositasiga chiqayotganda naqd pulda yoki bank kartasi orqali toʻlash mumkin.
Koʻplab shaharlarda transport kartalari (yoʻl haqi chiptalari) mavjud:
1. Bir martalik yoki bir nechta sayohat uchun 2. Vaqt bilan cheklangan (masalan, uch kun yoki bir oyga) yoki cheklovsiz.
Maslahat! Nominali yuqori karta sotib oling. Qancha koʻp safar qilsangiz, ularning har biri shuncha arzonga tushadi.
Bundan tashqari, bir nechta transport turini (masalan, avtobus + metro) birlashtirganda, bir qator transport kartalari imtiyozli tarifni taklif qiladi. Safarlar arzonga tushadi.
Moskvada “Troyka” (Тройка) kartasi qo‘llaniladi “Troyka” (Тройка). Hisobni to‘ldirish va tekshirish, Sankt-Peterburgda – “Podorojnik” (Подорожник) “Подорожник” transport kartasini to‘ldirish | “GorodPay”.
“Подорожник” transport kartasi
Alex 'Florstein' Fedorov, Public domain, via Wikimedia Commons
Qozon transport kartasi
Pskov transport kartasi
Karta qanday toʻldiriladi?
“Тройка” transport kartasini toʻldirish boʻyicha koʻrsatmalar:
-
1
Toʻldirish usulini tanlang.
-
Ilovani “App Store” yoki “Google Play” orqali yuklab oling.
-
Roʻyxatdan oʻting yoki ilovaga kiring.
-
Unda “Пополнить карту” (Balansni toʻldirish) boʻlimini tanlang.
-
Telefonning orqa paneliga “Тройка” kartasini qoʻying.
-
Toʻldirish summasini kiriting.
-
Toʻldirish summasini bank kartasi yordamida toʻlang.
-
Transport kartalarini toʻldirish dastaklanadigan elektron hamyonga kiring (masalan, “Sberbank Onlayn” (Сбербанк Онлайн), “Yandex.Dengi” (Яндекс.Деньги), “QIWI Hamyon” (QIWI Кошелек)).
-
Unda “Transport” (Транспорт) boʻlimini tanlang.
-
Transport kartalari roʻyxatidan “Тройка” kartasini toping.
-
Keyin “Тройка” kartasi raqamini kiriting.
-
Toʻldirish summasini kiriting.
-
Elektron hamyon hisobidan balansni toʻldiring.
-
Metropoliten kassasiga murojaat qiling.
-
Kassirga “Тройка” kartangizni toʻldirmoqchi ekanligingizni ayting.
-
Kassirga “Тройка” kartangizni bering va toʻldirish miqdorini koʻrsating.
-
Naqd pul yoki bank kartasi orqali balansni toʻldiring.
-
Metro yoki yer usti transportida oʻz-oʻziga xizmat koʻrsatish terminalini toping.
-
Unda “Пополнение транспортных карт” (Transport kartalarini toʻldirish) boʻlimini tanlang.
-
Oʻqigichga “Тройка” kartasini qoʻying.
-
Toʻldirish summasini kiriting.
-
Naqd pul yoki bank kartasi orqali balansni toʻldiring.
-
2
Pul oʻtishini kuting.
-
3
Karta balansini tekshiring.
Mobil ilova yoki oʻz-oʻziga xizmat koʻrsatish terminali orqali toʻldirishda mablagʻlar bir zumda tushadi. Kassa yoki elektron hamyon orqali toʻldirishda pul tushishi uchun 30 daqiqagacha vaqt ketishi mumkin.
Transportdagi turniket yoki validatorda oʻqigichga “Тройка” kartasini qoʻying. Ekranda kartaning joriy balansi koʻrsatiladi.
Maslahatlar:
- Toʻldirishdan oldin, bloklanib qolmasligi uchun “Тройка” kartasining balansi plyusda ekaniga amin boʻling.
- Kartangizni moʻljallangan safarlaringiz uchun yetarli miqdorda toʻldiring.
- Karta toʻldirilganligi haqidagi kvitansiyalar yoki cheklarni saqlang.
Transport kartasini jamoat transporti bekatlarida yoki metro kassalarida xarid qilishingiz mumkin. Safar toʻlovini amalga oshirish uchun transport vositasiga kirayotganda kartangizni elektron oʻqish moslamasiga qoʻyishingiz kerak. Chiptani metroga kiraverishdagi kassadan sotib olishingiz mumkin. Baʼzi shaharlarda bank kartasi bilan kirish uchun toʻlov qilsangiz, metroga chiqishingiz mumkin. Uni turniketga tutsangiz boʻldi.
Agar maʼlum bir hududda transport kartalari ishlatilmasa, toʻlov haydovchi yoki konduktor tomonidan transport vositasiga chiqish yoki tushishda qabul qilinadi, ular sizga chipta beradi.
Chiptangizni safar oxirigacha saqlab qoʻyishingiz kerak, chunki tekshiruvchilar uni tekshirishi mumkin. Farzandingiz alohida oʻrindiqni egallasa, uning safari uchun pul toʻlashingiz kerak boʻladi. Alohida oʻrindiqni egallamaydigan 7 yoshgacha boʻlgan bola uchun yoʻl haqi olinmaydi. Yoʻl haqidan tashqari, yuk (chamadon, quti) olib yursangiz, uni tashish uchun toʻlashingiz kerak.
Yoʻl haqi toʻlanmasa nima boʻladi
Hech “quyon boʻlish” (ездить зайцем) iborasini eshitganmisiz? Bu iboraning yoqimtoy jonivorga aloqasi yoʻq. Uning maʼnosi chiptasiz safar qilish degani. Chiptasiz safar qilganlik uchun jarima belgilanadi va transport vositasidan tushirib yuboriladi. Bu maʼmuriy huquqbuzarlik.
Transportda oʻzini tutish qoidalari
Eslatma uchun. Transportda oʻzini tutish
-
1
Chiqish va tushish transport vositasi toʻliq toʻxtaganidan keyin amalga oshiriladi.
-
2
Siz avtomobil va temir yoʻllarni faqat maxsus belgilangan joylarda, piyodalar oʻtish joyi yoki koʻprikda kesib oʻtishingiz kerak.
-
3
Agar transportdagi joy xavfsizlik kamarlari bilan jihozlangan bo‘lsa, ularni harakat boshlanishidan oldin taqib qo‘yish kerak.
-
4
Harakat vaqtida haydovchini (mashinist) chalg‘itmang.
-
5
Transport harakati paytida salonda yurmaslik kerak. To‘xtash vaqtida chiqishga tayyorgarlik ko‘ring.
-
6
Tik turib ketayotganda tutqichlardan ushlang, deraza va eshiklarga suyanmang, qo‘llaringizni tashqariga chiqarmang, eshiklarni qo‘l bilan ochmang.
-
7
Bagajni xavfsiz tarzda mahkamlang yoki joylashtiring.
-
8
Marshrutni kuzatib boring. Agar bekatingiz yoki stansiyangiz qayerdaligini bilmasangiz, haydovchi, konduktor yoki poyezd xizmatchisidan yordam soʻrang.
-
9
Yoʻlda baxtsiz hodisa yoki kutilmagan vaziyat yuzaga kelganda, haydovchi, poyezd haydovchisi yoki konduktorning koʻrsatmalariga amal qiling. Agar evakuatsiya zarur boʻlsa, xotirjam boʻling va vahima qilmang.
-
10
Transportda, bekatda yoki vokzalda qarovsiz qoldirilgan narsalarga tegmang, ular haqida haydovchiga, elektropoyezd mashinistiga, provodnikka yoki politsiyaga xabar bering.
Taksi
Tez va qulay sayohat qilish uchun, shuningdek, agar mamlakatda (shaharda) birinchi marta boʻlsangiz va hududda joylarni aniqlash qiyin boʻlsa, eng yaxshi variant – taksi. Taksi chaqirish uchun telefon orqali qo‘ng‘iroq qilish yoki “Yandex Go” (Яндекс Go), Maxim, “Uber” mobil ilovalaridan foydalanish mumkin.
Diqqat! Taksi har qanday rangda boʻlishi, kompaniya logotipli yoki usiz yoki tomida shashka belgisi boʻlishi mumkin.
Taksi chaqirish
Taksi chaqirayotganda ilovada quyidagilarni ko‘rasiz: avtomobil raqami va markasi, haydovchining ismi, yo‘nalish va bank kartasi yoki naqd pul bilan to‘lashingiz mumkin bo‘lgan safar narxi.
Shuningdek, yo‘lovchilar sonini, bekatlar rejalashtirilayotganini, mashinada bolalar yoki uy hayvonlari bor-yo‘qligini (bolalarni xavfsiz tashish uchun avtomobillar bolalar o‘rindiqlari bilan jihozlanadi), bagaj bor-yo‘qligini ko‘rsatish imkoniyatiga egasiz.
Taksilarni maʼlum bir kun va vaqtga yoki buyurtma berilgandan so‘ng darhol safar qilish uchun buyurtma qilish mumkin. Agar ilovada “определить местоположение” (joylashuvini aniqlash) opsiyasi belgilansa, unda joʻnash manzili koʻrsatiladi.
Ilovada buyurtma berish juda qulay va bu yoʻlda oʻtayotgan mashinalarni toʻxtatishdan koʻra ancha xavfsizroq. Boshqa joyga koʻchayotgan, mebel yoki katta narsalarni tashayotgan boʻlsangiz, aksariyat taksi xizmatlari yuk tashish xizmatlarini taqdim etadi.
Karshering/mashina ijarasi
Yoʻl harakati qoidalari va belgilarining aksariyati xalqaro miqyosda ekanligi qanchalik ajoyib! Agar sizda Rossiyada yashash guvohnomangiz yoki fuqaroligingiz boʻlsa, haydovchilik guvohnomangizni Rossiya haydovchilik guvohnomasiga almashtiring va shunda qisqa muddatli avtomobil ijarasi – karshering xizmatlaridan foydalana olasiz (car – inglizcha “avtomobil” va sharing – “ulashish”) yoki avtomobilni uzoqroq muddatga ijaraga olasiz. Karsheringda har bir daqiqa uchun toʻlanadi. Safardan keyin ijaraga olingan mashina shaharning istalgan joyida qoldirilishi kerak.
Avtomobil (masalan, “Delimobil” (Делимобиль), “Yandex Drive – Karshering v Moskve” (Яндекс Драйв – каршеринг в Москве), “Sitidrayv” (Ситидрайв)) yoki elektr skuter (masalan, “Whoosh”) topish uchun mobil ilovalardan foydalaning.
Avtomobil ijarasi uchun mobil ilovalardan foydalanish sxemasi:
- Ilovani smartfoningizga yuklab oling.
- Roʻyxatdan oʻting, shaxsiy maʼlumotlar va haydovchilik guvohnomasi tafsilotlarini taqdim eting.
- Ilova xaritasida transport vositasini toping va uni bandlang.
- Ilova yoki xarita yordamida avtomobilingizni oching.
- Safarni yakunlang, avtomobilingizni ruxsat etilgan hududga qoʻying va ilova orqali avtomobil ijarasini yoping.
Elektr skuterlarni ijaraga olish uchun mobil ilovalardan foydalanish sxemasi:
- Ilovani smartfoningizga yuklab oling.
- Roʻyxatdan oʻting, shaxsiy maʼlumotlarni taqdim eting.
- Ilova xaritasida elektr skuterni toping va uning QR kodini skanerlang.
- Safarni boshlang, “Старт” (Boshlash) tugmasini bosing.
- Safaringizni tugating, elektr skuterni ruxsat etilgan joyga qoʻying va ijarani ilova orqali yakunlang.
Avtomobil ijarasi ilovalaridan foydalanish boʻyicha maslahatlar:
- Foydalanish shartlarini diqqat bilan oʻqing.
- Safarga toʻlash uchun bank kartasini ulang.
- Rossiyada amal qiluvchi haydovchilik guvohnomangiz borligiga ishonch hosil qiling.
- Avtoturargoh qoidalari va ilovalarning qamrov hududlarini koʻrib chiqing.
- Agar biron-bir savolingiz boʻlsa, ilovaning yordam xizmatiga murojaat qiling.
Dam olish kunlarida boshqa shaharga safar
Ish yoki oʻqish joyingizdan uzoqda qoldingizmi? Dam olish kunlari qoʻshni shaharga borishni yoki mamlakat boʻylab sayohat qilishni xohlaysizmi? Sizga shaharlararo yer usti transporti kerak boʻladi. Shahar atrofiga sayohat qilish uchun avtobuslar va poyezdlar avtovokzallardan, aeroportlardan va shahar atrofi poyezd stansiyalaridan joʻnaydi. Tezyurar elektropoyezdlar, shahar atrofiga qatnaydigan poyezdlar, uzoq masofaga qatnaydigan poyezdlar yoki to‘g‘ridan-to‘g‘ri reyslar sizni kerakli aholi punktiga olib boradi.
Chiptalar vokzal va avtovokzallardagi kassalarda sotiladi, u yerda yo‘nalishni rejalashtirish va eng mos safar sharoitlarini tanlash uchun ma’lumot xizmatidan foydalanishingiz mumkin.
Jadval bilan tanishish va elektropoyezd yoki poyezdga onlayn chipta sotib olish: “Rossiya temiryoʻllari” (Российские железные дороги, РЖД) sayti, “Yandex Raspisaniya” (Яндекс Расписания), “Yandex Puteshestviya” (Яндекс Путешествия), “JD bileti” (ЖД билеты) va “Tutu.ru” (Туту.ру)
ilovalarida.
Onlayn chipta qanday sotib olinadi?
-
1
Rasmiy “РЖД” saytiga kiring.
-
2
Marshrutni tanlang:
- Joʻnash va boradigan stansiyalarni kiriting.
- Joʻnash sanasini belgilang.
- “Найти билеты” (Chiptalar qidirish) tugmasini bosing.
-
3
Poyezd va vagonni tanlang:
- Tizim mavjud poyezdlar roʻyxatini koʻrsatadi.
- Ketish vaqti, kelish vaqti va narxi boʻyicha mos keladigan poyezdni tanlang.
- Vagon turini tanlang (kupe, platskart, SV).
-
4
Yoʻlovchi tafsilotlarini kiriting:
- Yoʻlovchilarning familiyasi, ismlari va otasining ismini kiriting.
- Shaxsingizni tasdiqlovchi hujjat turini koʻrsating.
- Hujjat raqamini kiriting.
-
5
Joyni tanlang:
- Tizim tanlangan vagonda boʻsh joylarni taklif qiladi.
- Joylarni tanlang.
-
6
Chiptaga toʻlang:
- Toʻlov usulini tanlang (bank kartasi, elektron hamyon).
- Toʻlov maʼlumotlarini kiriting.
- Toʻlovni tasdiqlang.
-
7
Chiptangizni oling:
- Muvaffaqiyatli toʻlov amalga oshirilgandan soʻng, elektron chipta koʻrsatilgan elektron pochta manziliga yuboriladi.
- Chiptani PDF formatida ham saqlash mumkin.
Onlayn chipta sotib olish koʻplab afzalliklarga ega. Birinchidan, bu tez boʻladi. Kassada navbatda turish yoki agentlikka murojaat qilishga zarurat yoʻq. Chiptani istalgan vaqtda va internetga ulangan istalgan joyda bir necha daqiqada sotib olishingiz mumkin. Ikkinchidan, xavfsizlik. “РЖД” sayti shaxsiy va toʻlov maʼlumotlaringiz xavfsizligi taʼminlangan zamonaviy maʼlumotlarni himoya qilish usullaridan foydalanadi. Uchinchidan, qulaylik. Poyezdga chiqishda chiptani chop etish shart emas, uni qurilmangizda elektron shaklda saqlash kifoya.
Rossiya boʻylab aviasafarlar ham keng tarqalgan va qulay.
Mamlakat boʻylab shaharlar uchun onlayn chiptalarni qidirish va sotib olish uchun yuqorida aytib oʻtilgan manbalardan foydalaning. Yoʻlovchilar uchun aviatashuv qoidalariga rioya qiling. Ular umumiy bo’lishi – Rossiya Transport vazirligining 28.06.2007 sanaga oid 82-sonli buyrug’i (24.11.2016 sanaga oid tahrir) “Yo’lovchilar, bagaj, yuklarni havo transportida tashishning umumiy qoidalari va yo’lovchilar, yuk jo’natuvchilar, yuk qabul qiluvchilarga xizmat ko’rsatishga qo’yiladigan talablar” / “KonsultantPlus” (КонсультантПлюс) Federal aviatsiya qoidalarini tasdiqlash to’g’risida yoki tanlangan chipta turiga bog’liq bo’lishi mumkin: bagajsiz, ochiq sana bilan, qaytarilmaydigan, ustuvor qo’nish va boshqalar.
Turarjoy tanlash
Turarjoyni topishning bir necha yoʻli mavjud: mehmonxonada qolish, ijaraga joy olish yoki sotib olish. Qisqa muddatli qolish uchun, agar hali ish joyini tanlashga qaror qilmagan boʻlsangiz yoki qulayroq hududni tanlamoqchi boʻlsangiz, uyni ijaraga olishingiz yoki mehmonxonada (yotoqxona) qolishingiz mumkin. Xona yoki xosteldagi joylar, yotoqxona yoki kvartiradagi xonalar yoki butun xonadon va uylar ijaraga beriladi. Ushbu turdagi joylashish “bino egasi, boshqalar bilan bitta xonada joylashish” (снять койку) deb ataladi. Qulaylik darajasi narxni belgilaydi.
Xostellar
Yotoqxonada (xostelda) yoki xonani ijaraga olganingizda qoʻshnilaringiz bilan birgalikda hojatxona, dush va oshxonadan foydalanasiz. Kvartirada esa oshxona va hammom alohida boʻladi. Va bu yagona farq emas.
Xostelda yashash turarjoy xarajatlarini tejash imkonini beradi, lekin umumiy turarjoy va cheklangan sharoitlar bilan bogʻliq baʼzi noqulayliklarga tayyor boʻlishingiz kerak. Baʼzilar shaxsiy hayotning yetishmasligini salbiy deb hisoblashlari mumkin. Umumiy xonalar va hammomlar boshqa mehmonlar bilan joy boʻlishish kerakligini anglatadi. Odamlarning bir joyda toʻplanishi shovqin va tartibsizlikni keltirib chiqarishi mumkin. Bu tinch dam olishga xalaqit beradi. Bundan tashqari, saqlash joyi yoʻqligi sababli, katta hajmli yuk va kiyim javoni uchun joy yoʻq.
Xorijlik fuqarolar uchun yotoqxonada yashashning afzalliklari yangi tanishlar orttirishni osonlashtiradigan ijtimoiy muhitni oʻz ichiga oladi. Dunyoning turli burchaklaridan kelgan odamlar bilan muloqot orqali kundalik hayotingiz yanada qiziqarli va rang-barang boʻladi. Bundan tashqari, xostellar odatda qisqa ijara muddatlari va qolish muddatini uzaytirish imkoniyati kabi moslashuvchan turarjoy variantlarini taklif qiladi. Shuningdek, xostellar koʻpincha qulay joyda joylashgan. Bu shahar tashqarisidagi mehmonlar uchun juda jozibali.
Kvartira yoki xona ijarasi
Ijara shartnomasi (ham ijarachi, ham ijaraga oluvchi sifatida) tuzish uchun yoki xostel yoki mehmonxonaga kirishda siz bilan birga boʻladigan har bir kishining pasporti va hujjatlari kerak boʻladi. Narx yashovchilar soniga va turarjoy hajmiga bogʻliq. Turarjoy ijarasi muddati va shartlari ijarachi (bino egasi) bilan kelishilishi kerak. Shartnoma tuzayotganda, uy egasining binolarga egaligini tasdiqlovchi hujjatlarni tekshiring.
Uy egasidan ijaraga olingan turarjoyingizda yashash manzilingiz boʻyicha vaqtincha roʻyxatdan oʻtishni talab qilishga haqlisiz. Bunday ro‘yxatdan o‘tish har qanday ish beruvchi tomonidan so‘zsiz qabul qilinadi, “rezina kvartiralar”da (резиновых квартирах) ro‘yxatdan o‘tishdan farqli o‘laroq, ularning manzillari ko‘pincha ish beruvchiga chet elliklarni ishga joylashtirishda hujjatlarda ko‘rinib qolishi mumkin. Ularda roʻyxatdan oʻtgan, aslida u yerda yashamaydigan oʻnlab odamlar boʻlishi mumkin. Shuni yodda tutingki, kvartira (xona) ijarasi uchun to‘lovdan tashqari, shartnoma tuzish paytida depozit (shartnoma tugagandan so‘ng qaytariladigan bir oylik ijara to‘lovining 100% gacha bo‘lgan garov) to‘lashingiz va sizga turarjoy topishda va shartnoma tuzishda yordam bergan riyeltor xizmatlariga haq to‘lashingiz kerak bo‘ladi.
Faqat koʻchmas mulk sohasidagi ishlar uchun litsenziyaga ega boʻlgan agentliklar va riyeltorlar bilan bogʻlaning. Uning mavjudligini bu veb-saytda tekshirishingiz mumkin – Единый реестр сертифицированных компаний и аттестованных специалистов рынка недвижимости (Koʻchmas mulk bozorida sertifikatlangan kompaniyalar va sertifikatlangan mutaxassislarning yagona reyestri). Aks holda, pulingizni xavf ostiga qoʻyasiz va uysiz qolasiz. Agentlikning oʻz veb-sayti va ofisi boʻlishi kerak, u yerda shartnoma imzolashga sizni taklif qilishadi.
Ijara toʻlovi muntazam ravishda (har oy maʼlum bir kunda) yoki butun yashash muddati uchun toʻlanadi. Ijaraga olingan uy-joylarda har oy kommunal xizmatlar (turarjoy-kommunal xoʻjaligi (ЖКХ)) uchun toʻlashingiz kerak: elektr energiyasi, suv, isitish, chiqindi va internet xizmatlari. Kvartiraning pochta qutisida qogʻoz kvitansiyalari boʻladi, ular elektron boʻlishi mumkin, bu holda uy egasi ularni sizga taqdim etadi. Har bir alohida holatda pullik xizmatlar doirasi farq qilishi mumkin. Quyidagi veb-saytlarda ijaraga beriladigan kvartira yoki oteldagi xonani oʻzingiz topishingiz mumkin: “Sian” (Циан), “Avito” (Авито), “Ostrovok.ru”, Kvartirka (Квартирка), “Sutochno.ru” (Суточно.ру), 101HOTELS.com va “Yandex Puteshestviya” (Яндекс Путешествия) xizmatida.
Ijaraga olingan turarjoyda yashash qoidalari
Turarjoy, hatto vaqtinchalik boʻlsa ham, siz uchun uyga aylanadi. Shuning uchun, ijaraga olingan turarjoylarda, mehmonxonada (hostelda) maʼlum qoidalarga rioya qilishingiz kerak – tozalik, shovqin solmaslik, chekmaslik kabi. Mebel, jihozlar va aloqa vositalariga haqiqiy egasi sifatida ehtiyotkorlik bilan munosabatda boʻling, xavfsizlik qoidalariga rioya qiling va maishiy muammolar yuzaga kelganda, mehmonxona maʼmuri, uy egasi yoki favqulodda xizmatlarga murojaat qiling: 101 – yongʻin sodir boʻlganda, 102 – politsiya, 103 – shoshilinch tibbiy yordam, 104 – gaz xizmati, 112 – har qanday favqulodda vaziyatda.
Qo‘shnilar bilan muloqot messenjer chatlarida, e’lonlar yordamida yoki podyezdda, uyda yashovchilarning yig‘ilishlarida amalga oshiriladi. Mehmonxonada yashash qoidalari toʻgʻrisidagi eslatma roʻyxatdan oʻtgandan keyin sizga beriladi. Xonani/kvartirani ijaraga olishda ular shartnomada sizning majburiyatlaringiz sifatida koʻrsatilishi mumkin. Ularni uy egasi bilan muhokama qiling.
Rossiyada kvartira sotib olish
Agar Rossiyada turarjoy sotib olishga qaror qilsangiz, eʼtibor beringki, kvartira yoki uy sotib olish Rossiyadagi uyda chet elliklarga hech qanday ustunlik yoki imtiyozlar bermaydi, soliqlarni kamaytirmaydi. Chet elliklar sotib olingan mulkning umumiy qiymatining 0,3% dan 2% gacha boʻlgan mol-mulk soligʻini toʻlashlari shart. Agar kelajakda egasi kvartirani sotishga qaror qilsa, u RF hukumatiga foydaning 30% miqdorida soliq toʻlashi kerak.
Turarjoy sotib olish uchun dunyoning aksariyat davlatlaridan 21 yoshdan oshgan chet el fuqarolari sotib olingan koʻchmas mulkni garovga qoʻyib Rossiya bankida ipoteka rasmiylashtirishlari mumkin. Buning uchun shaxsiy hujjatlarni taqdim etishingiz kerak: chet el fuqarosining pasporti, uning rus tiliga tasdiqlangan tarjimasi, Rossiya Federatsiyasida amal qilish muddati ko‘rsatilgan migratsiya kartasi (Belarus Respublikasi fuqarolari uchun talab qilinmaydi), Rossiya Federatsiyasi hududida doimiy yoki vaqtinchalik ro‘yxatdan o‘tganlik to‘g‘risidagi hujjat, Rossiya Federatsiyasida bo‘lish (yashash) huquqini tasdiqlovchi hujjat, shuningdek, hozirgi ish joyida 3 oydan ortiq ish tajribasini tasdiqlovchi ish joyidan ma’lumotnoma, bank talablari bo‘yicha boshqa ma’lumotlar va hujjatlar.
Turarjoy sotib olish yashash guvohnomasi (ВНЖ) yoki fuqarolikni soddalashtirilgan tartibda olish uchun asos boʻlmaydi. Sotib olingan kvartirada chet el fuqarosi doimiy roʻyxatga olinmaydi, faqat vaqtinchalik. Shuningdek, “90/180 qoidasiga” rioya qilish talab etiladi.
Eslatib oʻtamiz! 90/180 qoidasi yoki 180 dan 90 Rossiyada qolish vaqtini cheklaydi. Rossiya Federatsiyasiga kirishning birinchi kunidan soʻng, chegara punktida 180 kunlik teskari sanoq boshlanadi, shunda chet el fuqarosi Rossiyada jami 90 kun boʻlishi mumkin. Boʻlish muddati istalgancha toʻxtatilishi mumkin. Ushbu cheklov yarim yil davomida amal qiladi.
“180 dan 90” qoidasidan istisnolar Rossiyada vizasi amal qilish muddati davomida yoki viza rasmiylashtirmaydigan chet el fuqarolari uchun mavjud. Masalan, Rossiyaga vizasiz kirgan fuqarolar uchun istisnolar Rossiya Federatsiyasi hududida mehnat faoliyatini amalga oshirish huquqini beruvchi patentni rasmiylashtirish, vaqtinchalik yashash ruxsatnomasi yoki yashash guvohnomasi olish, kunduzgi ta’lim olish, tashkilot bilan mehnat shartnomasini tuzish (Armaniston, Qirg‘iziston, Belarus, Qozog‘iston fuqarolari uchun) bilan bog‘liq. Ko‘p martalik ish boʻyicha yoki gumanitar yillik vizasi bo‘lgan fuqarolar har 180 kunlik davrda jami 90 kundan ko‘p bo‘lmagan muddat davomida Rossiya Federatsiyasida qolishlari mumkin.
Endi quyidagilar haqida asosiy maʼlumotlarni oldingiz:
- Rossiyadagi jamoat transporti turlari
- jamoat transportida safar qilish uchun chiptalarni sotib olish
- avtomobil va elektr skuter ijarasi
- transport kartalari uchun toʻlovlar, chiptalar sotib olish va shahar boʻylab yoʻl topish uchun mobil ilovalar va xizmatlar
- Rossiyada ijaraga olingan turarjoylarda yashash imkoniyatlari
- ijara shartnomasini tuzish qoidalari
- Rossiyada turarjoy sotib olish
- turarjoy ijarasi veb-saytlari va xizmatlari
